یەکێگ لە رەوشتەیل ئاقای«ل»یەبۊ، ک کونای رێزێگ لە وجوودد بۊنیادەو و سووسە بکرداد ئە وناو و لە ورە گورێ بگرداد. ئاقای«ل»کارکەفتەی ئەرتش بۊ و هڵایە شەس ساڵان، سی ساڵ خزمەت کردۊد، باڵاێ نزم بۊ و چمانێ کەمەرێ شکیاۊدە یەکا. خوەی وەتیاد: «هن تسادفە گە س » دیار نەۊ، هاتێ هن چشتەیل ترەک بۊ.
دەم چەوێ دریژوانک کەفتۊد و لەڕ، گوای یەی بڕشتێگ له ناوێ بۊ ک نیشاندەر خەتەر بۊنێ بۊ. فرە له سەر خوەی بۊ و لەش بێ نزێ نواگر کارەیل و بەرنامەیلێ نەۊ. هەر ئێواران ئاقای«ل»لە دەر دکان کڕکاسه فروشیێگ وەل چەنان پیای کارکه فتەی هاوباز خوەیا یەکەو گردن و دەسکردنه گەپداین، کەسێگ وەرەقەت قسەیلێ نەگرد.کەسان ترەک دەمێیان پەڵشت داشت و هەر قسەیگ ناوردنە دەما، وێره نەکردن یاگەر بەشێگ بۊ له ئەخڵاقێیان، کەس نەزانس. ئاقای «ل» لێوا نەۊ. منیش هەر ئێواران له خڕید یاگەر جیێگ باتامەو دکانەگه لەسەر رێەگەم بۊ و خوه ش ودشێگ وەل ئێ کەسانا کردم، ئه وانیش خوەشێیان هات گلمەو بێیەن و بنیشمه دەمێیانە و، هەرسای م خوەشم هات بامه رێیەو و تایمم وەل ئایمەیل له خوەم گەوراترا نیەمەو سه ر.
وەفر ئمساڵ فره دێر واری و هەگ دەسکرده وارین فره واری، جوورێگ ئڕا چەن رووژ جادەیل بەن هاورد.
ئاقای«ل»له نوای وەفر و سەرما زەبوون بۊ و دەس و پەیلێ کەفتیاده رکیان و لەرزیان و تن تن وه لەپ، لۊت خو ەی سڕیاد. دەمچەو لەڕ و لۊت قەۊ، وەل دوان گوش قەۊا ئایەم خڕیاد ئه و خوەی و خوەشد هات له تێیا چشتەیلێگ بۊنێدەو. کارکەفتەیل جەم بەساۊن و منیش چێمە ناو دکان، دەمچەو هۊچکامێیان چەنه ئاقای«ل »ئڕام جاڵب نەۊ. ئاقای«ل» وەت: «کوڕەگه قەیرێگه نیەسەد؟“
_ هامه ئێ ناوه.
خەنێگ کرد و له بان چوارپایەگه هەڵساد و نەمیەو دەسم و وەرەو بن دکانەگه وەلێیا چێم- ئەوره ک دەنگ کەمترێگ هاته گووشا- وەت : سوو چ کارەید؟
وە تم: ئڕا؟
_ چ کاره ید؟ هایده ماڵ یا نیەسەد؟
یه یەکم جار بۊ ئاقای «ل» ئەقره وەلما نزیکەو بۊد، هەم نەمۊدەو دەسم و هەمیش لێوا پرسیارێگ کرد.
_ نیه زانم ، ئڕا کارێگ دێری؟
_ توام وەل یە کێگا ئاشنادەو بکەم، هەسەد یا نیەسەد ؟
و ەتم: نیەزانم، کیه؟ چ کارەس؟
_ کارێگ نێیاشتو، ئەر هەسەد بۊش، ئەر نیەسەد دی هۊچ.
_ هاتێ بوودەم، نه وەتی کیه؟
پرسیاررەگانم کەمێگ مچۊڵەی کرد و زاق نووڕسمه ناو چه وەیلێیەو تا جواومەو بێیەی. له وسێ وازکرد و وه خه نێگەو مشتێگ دا له بان بازوم و وەت: کاسبه.
_ چه س؟
_ کاسبه.
_ یانێ چه؟ نە فامیم.
_ ژنێگه کاسبه، بیزنسکاره.
له خوەمەو بۊم، نەتواسم بەمه ناو زەوقێ. گوای وەز جوورێگ بۊ بایەد گورج پاشخوانێ بێیاتام وە رنە هاتێ گەپ لارەو بۊاد وەرەو جێ ترەکێ.
_ نە، لە ناو ئێ باسەیله نییم، ئێکاره نییم.
لەوسێ یەکەو گرد، مەسکێگ پێ چێ له وەر دەما رەێ بۊ و چی ئڕا ناو کارکه فتەیل و نیشتەبان چوارپاێیەگه. منیش چێم وەرەو لایان و وسامه پاوه و. سەر گردەو پێم و له ژێرا وە ت: خوڵاسه بوه خشی، مەنزورێگ نێیاشتم.
_ خاهش کەم، زانم مه نزورێگ نێیاشتیده.
ئێجار ئڕا یه گ وه دڵێ گران نای و ەتم: تەرەف مناڵ کام لاس؟
ئەوەیشه م جواوێگ دا و منیش چەنان پرسیار بێ خەتر ترەک کردم، جوورێگ کارکه فتەیل ترەک نەڕەسنەو، ئه ویه ش جواویەل ترەک.
ئاقای «ل» هەمۊشه ئوون له هکوومەت گردیاد، ئەڵبەت هەگ پیاێ ریشوێگ دۊنیاد، گه پەیل مەسەوی، بەش راسگانیێگ له وجوودێ بۊ و دروو نیاتاد، ئایەم هەمه جووره ێگه وە گەرد هەر کەسێگا وه لەون خوەیا ره فت کردیاد، وەتیاد: دوانزه ساڵ گەرت کیشامه و ئێرنگەیش ئڕام بکریەی ئێ سیکار لامەسەویشه نیەکیشم.
هەم دڵم ئڕای سزیا و هەمیش له ناو زەێنم ئەلخەلێ دیام و تاوتووێ کردیام تا فرەتر بڕەسمەو چ جوور بنیایمگه.
هەفتەی پێ چێ و له دەر دکانا ڕەی بۊم، کارکه فتەیل نیشتۊن و هه واڵ ئاقای «ل » گردم
یەکێگێیان کەمێگ زەقەڵتر بۊ پرسێ: ئڕا برا توای مامڵه ێگ وەل یەکا بکەین؟
_ نە توام هه واڵێ بپرسم.
_ تا ئێرنگه لەیره بۊ و هەواگه سەرده تاوشت ناورد و چییەو ئڕا ماڵ.
له رێ ماڵا له ناو موبایلەگەم تماشای پروفایلەگەی کردم، ئەسک جوانیەیلێ وه یونیفرم ئەرتشیەو؛ مل قەۊ، ناوشان پیەن، بازوەیل پەنەمیای. دیاره وه خوەێا قڕا بۊه و کەس وه ئایەم نەزانسێیه. گشت وێنەێلێ هن ئه وسا بۊ و لە ئلانێ هۊچ نەۊ.
هەررگز نەرەسیمەو ئاقای «ل» ئڕا لێوا چشتێگ لە من پرسی و ئەو کونای رێزە ک له قەێ منەو دۊد چۊ له پێیا سووسه نەکرد و ناتە ناو. هەفتەی ترەک لەدەر دکانا هه واڵێ پرسیم، وەتن: وەرجە پاێ ت هاتێیه و چییەسەو چمانێگ سەردێ بۊه.
زمسان ئمساڵ هەر سەرما کرد و هەگ کارکه فتەیل ترەک چێنەو ئڕا ماڵ، من و دکاندارەگه تەنیا مەنیمن، ئایەم جل قووزێگ بۊ و پێ نیەخوارد کارکەفته بوود جوانر نیشان دیاد، لێ پرسیم: ئاقای «ل » چ جوور بنیایەمێگه؟
_ بنیایەم پڕ هەوسڵەیگه.
_ یانێ چە پڕ هەوسڵه س؟
_ هەوسڵەی ژنان فرەێگ دێرێ، له هەر کۊچەیگ یەکێگ ها ژێر سەرێ و ئاڕیان جار وەختێگ
مشتەری دۊنێدەو تا بیلنەی قەره. مەگەر چشتێگ بۊه؟
و ەتم: نە هەر لێوا پرسیم.
دکاندارەگه تماشای لیم کرد و پساێ دکانەگه بەسیاد و کڕکڕەێ هاوردیاده خوار.
هەرساێ شەوا هاتۊد و مانگ هه ڵاتۊد، له شەوق وەفرەگه چماێ رووژ نیمه ڕو بۊ، له پەڕ خێاوان رزار
داره یلێ ک لقیان له ژێر وه فرشکیاۊد دیاربۊ، یەک دوان پیا چنیاۊنه لیان و وەفرەگانیان تەکانیان، دیمەن فره ره نگینێگ بۊ، واێ سەردێگ هەڵکرد و سوسه کرده بن ملا، گاهەس باناشەویش لەنوو وەفر بوارێ
کەرج ١٣٩٦