سادق سامڕەیی؛ نۊسیەر، فیلم سازوچالاک مدەنی کرماشانیە، ک هەمیشە لە ناو مەردم و هاودەنگ وەگەرد ژان و ئازارەگانیان بیە. بەش فەرێگ لە هەوڵەگان ئی هنەرمەندە سەرف یەکەوگرتن فەرهەنگی و ناسانن ناسنامە (هویت) کوردی کەڵهوڕی وە نەوەی (نسل) نوو بییە.
شمشێر
له: فرانتس کافکا
نۊسەر گهورايُ چک
وهلْ دو گله له هەواڵەيلا[1] قهرار نابۊمن، رووژْ يهيُشهمه وهلْ يهكا بچيمن ئرِا سهێران. بهڵام له خهوا نههاتم و زهزْ ههميشه، كاتژمار ديدار وێهريا. هاورِێيهيل ك له خوهش قهولَي من ئاگادار بۊن، له نههاتنم پهشێو بۊن و هاتن ئرِا مالَێ ک مْ له ناوێ دژيام. گرِێ چهوهرِێ وسان، ئيجار له رِكهگان[2] هاتنهو بان. له شوونهگه داچلَهكيام و له ناوجي و بانهگه ههلَپهرِيم و هـيچ چشتْ تر له ناو هۊرشه و هۊراتم نهبۊ، بێجگه يه ک ههرچێ زۊتر ئرِا ئهورِێ كهفتن گورجهو بووم. هناێ دلَنگهگان كردمه وهر و دهرانهگه كردمهو، هاورِێيهيلم تا چهوێيان كهفته ليم، بێدهنگ و پهشێو بۊن؛ هاوار كردن: «ئهوه چهێگه له پشتْ سهرد؟!» ههناێ له خهو هێز گرتم، فكر دكردم ک چشتێ وهرگيري دكهێد و نيههيلێ سهر بووهمه پشتا. دهسێ كيشامه پشتْ ملهو. هەواڵهيل ک گرِێ پهشێو و بێدهنگ بۊن. ئهێن و بهێن ئهوئانه ک مێشتگ شمشێرهگه له پشتْ سهرهو گرتم. هاوار كردن«ئاگاد وه خوهدهو بوو، زامدارْ خوهد نهكهی» ئيجار نزيكهو بۊن ، براوردم گرتن و بردنهمه نا ژوورێگ له نوواێ جامهكێ ک وه بانْ جي دڵنگهگانهوبۊ و لهشم تا وه دوكوتي لَۊهتهو كردن. شمشێر گهوراێگ، يهێ شمشێرْ تهمهن[3] فرهێ شهرِانشووهيلْ لهێهوهر، تا مشتگ چيُبۊده پشتْ ملما. بهڵام بێ مدوو بۊ، بێيهگْ مدوو دياريێ بداشتوو نكهگهێ چيُبۊده ناوهێ پووس و نهرمينهێ گووشتا و زامێگ لێ دياري نهكردبۊد، ههر ئهو جووره له قهێ مل؛ ئهوه گْ شمشێرهگه چيُبۊده پێيا، شوونێ لێ نه بۊ ، هاورِێيهيل دڵنيام كردن ک شهقێ پێويست[4] بوو ئرِا رهێ بۊن شمشێرهگه وه بێ كهمترين خۊنرِژتن دهم وا كردێه. ئيجار ئهوان له بانْ ئسكهملیێ دانيشتبۊن. شمشێرهگه وه سهيوهت سهيوهت[5] و نيمگهز نيمگهز كيشانهو. تهنانهت چوورِێ خۊنيشه لێ نههات. شهقْ كهفتێ له پشتم سارِێژبۊ و له قهێ كهوڵ وشكهوبۊ بێجگه كرِ باريکێ ئهوهيشه وه دروو دياربۊ، چشتْ ترهك لێ نهمابۊده جييهو. هەوڵهيلم شمشێرهگه وه بزهخهنگێگهو وهرهو پيم درِ كردن و وهتن:«ئهو شمشێرده بسێن» وه ههر دو دهس ههڵسهنگانمهێ. سڵاێ گرانێ بۊک گاهس سهليبييهيل له رووژگارهيل لهێهوهر له لێ ئيستفاده كردبۊن.
كي ئزن دهێ وه شهرِانشووهيلْ لهيهوهر له دنياێ خهو له مكوڵ بووسييهن و بێ هسْ خهسپهندارێ[6] شمشێرهيل بكهنه لهشْ بێگوناێ خهفتێيهيلا. ئهگهر ئهوانه زامهيل گران نههاوردانه رۊ بساتا. بێگومان وهئي مدووهسه ک سهڵاێان له لهشْ زينێهيل دشهكێدهو و هاورِێيهيل بهقا و بهفادار و ياريدهر هانه پشتْ درانهو تهقه له دهر دكهن.
[1] – haweleyl ههڤالـان، رِهفيقهيل
[2] – rikegan پلهيل.
[3] – temen ئومر، سن.
[4] – pêwîstبايس (لازم).
[5] – seywet ئارام، ئهمن و سهور، هيُمن.
[6] – xespendarî ههست ئهركايهتي (احساس مسئوليت).