✳️زانیارییەیلێگ وە زاراوەێ کوردی خوارین زوان کوردی
📓 زاراوەێ کوردی خوارین یەکێگ وە زاراوەیل سەرەکی زوان کوردییە ک بنچینەێ لە زوان مادەیل دێرێ و کەفێدە ژێرلەق کورمانجی لە بەشەیل زوان کوردی (کوردی خوارین ) .
📓 زاراوەێ کوردی خوارین چەن بنزاراوە دێرێ ک بوونە ؛
گێەڵانی(ئەێوانی و شابادی)
خانەقینی
کرماشانی
ئیلامی
گەڕوسی(بیجاڕی)
گاوارەیی(گوران)
مەڵکشایی
کولیایی
سنجاوی
خزڵی
کوردەلی
بەیرەیی
کرنی
ئەرکوازی
زنگنەیی
ئابدانانی
📓 قسەکەرەیل ئی زاراوە لە زوان کوردییە وە چەندین شار نیشتەجین ک تۊەنیم بۊشیم لە ؛
کرماشان ، ئیلام ، بیجاڕ ، ئسڵام ئاباد ، گێەڵانغەرب ، قەسرشیرین ، سەرپێڵ زەهاو ، سونقوڕ کولیایی ، ئەسەدئاباد ، کرن و گاوارە ، کەنگەوەر ، سەحنە ، ئەێوان ، شیروان ، چەرداوڵ ، سەراوڵە ، مهران ، ئاودانان ، مەڵکشای ، دێهلۆڕان ، ساڵح ئاباد ، بەشێگ وە کامیاران و قوروە ، خانەقین ، مەندەلی ، بەدرە ، کەلار ، جەسان ، جەلەولا ، زۆڕباتییە ، فەیلییەگان بەغدا ؛
ژیان کەن و نیشتەجین .
بێجگە یانە وە دەورەێ سەفەوەییە و زەندییەیش بڕێگ وە خەڵق کوردی خوارین وە شارەیل شیراز و قەزوین کووچ کردنە و ئێرەنگەیش بۊنێان هەس .
📓 لە ئەدەبیات و هەڵبەستوانەیل و نۊسەرەیل و هۆنەرمەندەیل گەوراێ کورد کوردی خوارین تۊەنیم ناوەیلێگ جۊر؛
شاکە و خان مەسۊر ،
ئەمیر شەرەفخان بدلیسی ،
ئەڵماس خان کەنۊلەیی ، ترکەمیر ،
نقی خان ئازاد کەڵهوڕ ،
ئاقا مۆحەمەد یەزدانی گێەڵانی ، ئەرکوازی ، مۆحەمەدڕزاێ کەڵهوڕ (ئساێ خوەشنۊسی) ، کەێهان کەڵهوڕ (ئساێ کەمانچە) ،
سەعید عبادەتییان ، ئاکۆ جەلیلیان ،
پەرویز بەنەفشی ، ڕزا مەوزوونی ،
عەلی ئۆڵفەتی ، عەلی ئەشرەف نەوبەتی ،
فەرهاد عزەتی ، سۆمەیە سەفەری ،
مەهوەش سڵەێمانپووڕ ،
حەمزە کەرەمی ، ئیران عەلی کەرەمی و فرە کەسانێ تر ناو بووەیم ک وە ئێرە جی نییەود و کات فرەێگ تواێد .
✍️سەرچەوە
کاناڵ وشە ڕەسەنەکان و لۆژیکییەکانی کوردی لە مامووسا سابر ژاکاو ؛ وە هاوکاری کاکە ژیار .
کتاو شەرفنامەێ ئەمیر شەرەفخان بدلیسی .
کتاو کورد کێیە ئسا سۆران حەمەڕەش .
نەرمەواڵەێ ایل کلهر لە ڕەسوول ئسفەندیاری .