کتاو سێ بەرگی “هەرمانێگ لە پەراوێز ژیانا’، یەکێگ لە بەرهەمەیل (آثار) گرنگ( مهم) ژیار جەهانفەردە ، دەربارەێ فولکولور و فەرهەنگ مەردمان زاگروس گ لە ناوێ لاوهلاوه(لایەلایە)ی داڵگهیل كورد و ههڵبهست مناڵان ، بەیت و هەڵبەستەیل فۆلکلۆر،بهیتهیل بنملی ، ههڵبهست و خوهندنهوه له گهمهی ژنان، هۆره و گۆران ، مـوور، ئاغەمیڕەو و چەمەری ناوچەیل کرماشان، ئیلام، خانەقین و بیجاڕ وە شێوەزار کەڵھوڕیە.
ژیار جەهانفەرد گردەو کەر و شیەو کەر ئی کتاو ە لە بەش پێشەکی وە تێێە :
“«فولکلور ناسنامەێ هەر گەلە. ئەوەی گ ئمڕو وە ناو ئەدبیات، موسیقی، فەرهەنگ، ئوستورە،و سونەت(دابونەریتی) کوردی تێێدنە ور چەومان پێوەند راسەێراسێ گەرد مەردمدانە خوەێ لە درێژاێ تاریق( تاریخ) داشتێیە. لە ناو زوان کوردی “ناوچەیل ئیلام و کرماشان” لە بوار ئەدەبیات فۆلکلۆرەو فرە دەوڵەمەنە و وەڕاسی ئارشیڤ فرە گەورایگ لە فۆلکلۆر لە سینگ باپیر و داپیرەیل ئێ وڵاتە خەفتێیە، وەلی وەداخەو تا ئێرنگە فرە کەم فۆلکلۆریستەیل وە شێوەی زانستی خوەیان دانەسە تخون ئێ بەشە لە ئەدەبیات کوردستان. هەر وەی بوونەیشەوە بەش فرە گرانێگە لێ وە مدوو ئارشیڤ نەکردنێ لە دریژایی ئێ سێ چوار دەهەی ویەردە لە ناو چێیە، چۆن وەل مردن هەر داپیر و باپیرا بەشێگ لە ئەدەبیات و زوان لە بەین چوو. بەڵام ئەو ئەندازەی کە هێمانێگ لە ناو خەڵکا مایەسەو، ئەگەر کۆ بکرێ بێگومان دتوانێ هەم بنەمایگ بوو ئڕا کوومەک کردن شێوەزار فەرمی و هەمیش سەرچاوەیگ بوو ئڕا ئەدەبیات مودڕن کوردی.
منیش وەی بوونەوە کە ئێ بەشە لە ئەدەبیات دەمەکی گەلەگەمان بپارزیەد، تا ئەورەی کە لە توانم بۊە لە ناو ئێ بەرگە لە پرتووکە لە دو پارێزگەی ئیلام و کرماشان “لاوەلاوە و ئەدەبیات تایبەتی ژن” کۆوەوکردمە. ئمێدوارم ئێ تاقیکاری و مینەوانییە بوودە بەرد بناخەیگ ئڕا کارەیل تر تا بەرهەمیل فرەتر و زانستیترێگ کۆ ئەوبکرێد.»”
ئڕا دانلود ئی کتاوە کلیک بکە