📙شێعر: مامووسا پەرتەو کرماشانی
📙دیکلەمه: مامووسا ئارام موستەوفی
وا که چاک سینەگەد دەرس و کتاوم هەر یەسە
بوومه نەزری ئەو دەمه جام شەراوم هەر یەسە
ڕووژ تا شەو کاروبارم شین و شیوەن کردنە
تاقوەسانم هەر یەسە باخ سەراوم هەر یەسە
هەم پەڕ و باڵم بەسانه هەم دەمم دۊراننە
تا م بووم و حەرف حەق نەیۊشم جوواوم هەر یەسە
گشکەسم! دەردد وه گیانم! نۊر دیده ڕاسەگەم!
م چە بۊشم تا تو نادانی ئەزاوم هەر یەسە
شار کرماشان دیار عشقه خاپووری نەکەین
خەڕگ کووره بنیشم خاک و ئاوم هەر یەسە
پەرتەو ئەر ئاوارەم و باوان خراو و دەروەدەر
ئۊشم ئی زوڵمه نەمینید ناحساوم هەر یەسە
