📙سیامەک نەجەفی
✍️نۊسەر، فولکلورناس کوردی گورانی
🗒ژیاننامە
سیامەک نەجەفی، پەیا بیەی ۱۳٤۸ خوەرەتاوی، مناڵ چیابور کاکی گاوارەی گوران، ناوچەی داڵاهوو لە کرماشانە.
کارناسی فیزیک لە زانستگاێ رازی کرماشان گرت. لە ئالمان زانستگای «برمن» ئەندازەیاری ساختمان خوەنیە. لە کانادایش، لە زانستگای «کاپیلانو نورت ڤەنکوور»، وە خوەنین بیزنس و مودیریەت دریژە دەێدن. هاو زەمانیش هەر لە جوانی، ساڵەیل ساڵە لە راسای #فولکلور_گوران، کار مەیدانی و کووکردنەوە کردگە.
سیامەک، شێعر نوو وە شیوەێ مودڕن و پوست مودڕنیش نۊسێ.
ماموستا نەجەفی، یەکمین بەرهەم فەرهەنگی خوەێ لە زەنجیرە وتار لە سەر #فولکلور_گوران لە ناو #گوڤار_سروە لە #شار-ئورومیە، وە ناوەیل: زوان خەڵەتنە، چەوچە، مەسڵەت و بازیەیل ناو گوران لە ساڵەیل ۱۳۷٠ خوەرەتاوی لە چەن ژمارە بڵاو کردگە.
لە کانادایش لە ساڵەیل ۲٠٠۱ تا ۲٠٠٤ زاینی شەش ژمارە گوڤارە کاتنامەئی (گاهنامە) فەرهەنگی ئەدەبی ڕاوێژ وە #گورانی_نوو/#کوردی_خوارین وە چاپ ڕەسانگە.
شەش ئەفسانە لە بەش زاڕووانە و کومەڵە شێعر کوردی خوارین «چارە» و کومەڵە شێعر فارسی «سرنوشت» له کانادا وه چاپ ڕەسانگە.
دەسهات ۹ ساڵ کارکردن لە سەر گرامر و دەنگناسی کوردی خوارین لە کتاوێ وە ناو «ڕێنۊس کوردی خوارین» چاپ بۊە.
ماموستا سیامەک ناو #ئەفسانە-داستان ناگە وە بان ئی کارەیلە کە دۆاێ کووکردن وە شێوەی خوەێ دوجارە نۆسی و چاپ کردگه.
لە ئی شێواز و فورمە یانێ دوجارە نۊسی فولکلور، خوەنەر وهل یهێ مەتەڵ قهدیمی و وەرین ڕۊیهڕۊ بوودن کە فهزا و تهسویرسازی، فڵەشبهک، شهبیەسازی و واژای وه شێوهی داستان نۊسان مودڕنه.
له ناو وڵاتیش تا ئیسه دهرفهت ئهوه پهێا کردگه بهشێگ له کارهگانێ، وە #کوردی_گورانی_نوو، #کوردی_خوارین، #کوردی_گورانی_وەرین، #کوردی_گورانی_ زەردە، وە چاپ بڕەسنێ.
#گرەک وە وتنە کە کوردی گورانی وەرین یان قهدیم چهنی چهن ناو تریش دێرێ جوور : #گورانی_سهیانه، #گورانی_کاکیانه، #گورانی_ماچوو.
سەرجەم ئاسەوارەێ ماموستا لە ژێر ناو ئەفسانەگەیل دیار زاگروس لە نەشر باشوور ئیلام لەێ ساڵەیل پێشینە وە چاپ ڕەسانگە:
#ئەفسانە_داستان:
. شێرزاێ شێرپەنج، #گورانی_نوو
. هەپلیهەپاو #گورانی_نوو،
. موومهنەجان، #گورانی_نوو
. زەڕینە،#گورانی_وەرین،
ـ زەڕینە،#گورانی_نوو
. او، فارسی، داستان
. شاێ کەمەربەسە #گورانی_نوو
. ئاگ، #گورانی_وەرین، چیرووک
#شێعر:
-پەری خەو #گورانی_نوو،
#یارەسان#گووران #گوران
#دپارتمان_مێدیا_هونەر
#ئەنستیتو_زانست_زاگروس
