ناوپرتووک: پاتوورە و پەری
نۊسەر: فهرهاد عزتی زاده
وێراشتەر: س. جەهانفەرد «ژیار»
رۊبهرگ: مههين خوداياری
ئرا دانلود ئی کتاوە کلیک بکە
پاتووره و پهری چیرووك فۆلكلۆر كوردیێگه ك گاهس وه دریژایی دیرووك كوردا نهسڵ وه نهسڵ دوواژهوه بۊدن و له ناو ئاخێووهرهیل ئێ زووانه وهرزهو خواردۊد. ئێ چیرووكه له زوورم ناوچه كوردنشینهگان و له ههر دهڤهرێ وه تووزێ گووڕانكارییهو وهتریایه. بهڵام له ناوچەی گیهڵان سهر وه پارێزگەی كرماشان گاهس بۊشیم ك فرهتر پارێزیایه و دهژتر مایه. هنای ئیسفای وه ناوهڕووك ئێ چیرووكا گریم فره جار وه ئێ باوهڕه ڕهسیم ك گهها بۊئیش چیرووكه ههر له ئهو ناوچه ژیاۊد. ئێسه ئیمه فره له سهر دیرووك و بۊئیش وردهو نیهبۊمن و ئیسفای خێرا گریمه ناوهڕووك ئێ چیرووكا. پاتووره و پهری، دو دڵدارن ك وهك تمام چیرووكهیل دڵداریێ ك له دنیا پێش هاتێیه. پاتووره لیكهكوڕێگه ك مهیلێ چوودهو سهر تهنكهدۊهت خوداڕهیشتەی وه ناو پهری ك دۊهت كەیخودا و سهرسان ئهو وڵاتهسه. هنای تماشای ناوهڕووك چیرووكهگه كهیم دوینیم ك نزیكایهتی فرەی دێرێ وهل ئوستووره و چیرووك شرین و فهرهاد، مهم و زین، ههسوو و نازه و…ـا واته دهسپێكردن ئێ چیرووكهیل دڵدارییه و تهنانهت تا ئهوجێیانیش یەیجووره؛ بهڵام هنای رهسیمه پهرتخ و كۆتایی پاتووره و پهری، ئهو دهمهسه له جیاوازی و پایانبهندیی دڕهسیمنهو ك وهكوو چیرووكهیل دڵداریتر نییه و ئێ دو دڵداره له شوون تهقهلا و تێكووشان فرەیگ وه یهك ڕهسن. ههر ئێ پایانبهندییشه بووده مدووم جیاوازیێ وهگهرد چیرووكهیل ترا…
كووكهر ئێ چیرووكه تێكووشان فرەیگ له سهر ئهدهبیات و فۆلكلۆر ئێ وڵاته داشتێیه و یهكێ له دهساوهیلێ ئێ بهرههمهسه ك چـۊ چیرووك ئمڕوویێگ له سهرێ خاس وردهو بۊه بهڵام بایس بۊشیم ك ئێ بهڕێزه سهر لهنوو نۊساسەی و له باوهت پهخشان و رستهوه فره چڕوپڕترێیهو كردێیه و ئیدیووم و مهسڵهتهیل فره رهنگینێ له ناو ئێ پهخشانه وه كار گرتێیه. ئهڵبهت وانۊسی ئێ چیرووكە وه گوورەێ زاراوەێ یهكگرتووی كوردی نەنۊسیایە، وەێ بوونەوە ك فۆلكلۆرە و نیاز نییە لە باوەت زووانیەوە گووڕانكاری فرەێگ باێدە سەرێیا. وه همێ یهگ وهردهنگهیل ههنین و هێژا كهڵكه لێ وهرگرتۊن.
س . جەهانفەرد