ئلهام شیرزادی رۆمان نۊس و کوڵگە چیرۆک نۊس کورده گ ساڵ ۱۹۸۳ لە کرماشان هاتێیه دنیا. بڕێ وە کارەیڵ شیرزادی وە شێواز ڕئالیستیە و فرەیگ لە کارەیلی وەرگرتێ لە ئەزموونەیل ڕاسی ژیان خوێیە
وەرتاێرمە
وساۊە وەرتارمە؛ مەدرەسەیگ دیار بی. وە خوار کلاس ملی چەفت کردۊ. پیرەژن چاخ
عەینەکی کوتا ناو گووشی! «ئرای خوەد خوەشدە، داڵگد تووریاس و تونیش هەرچی توای کەید! یە چ
نمرەیگە!
٭
گزییەک وە دەسی بی؛ وە هەوڵ و تەقاڵا کیشیادەی بان زەۊ. سێوەرێگ کەفتە بان سەرێ، وە ترسا سەر
هێز نیا، بڵاچە وە بووق ملی هەڵسا! باوگی وەت: ئیوە هەر هانە شۊن یە ک داڵگدان بتورێ و دۊاتر
ئیوەیش دەرچن ئرای لای“.
٭
کەفتە شۊن داڵگێ ک وە ب ێدەنگ داشت وە دەر حسار چیادە دەیشت، چمان بتوورێ، داڵگ
دە سناپێ و دەڵەکی دا ناو؛ خواردەو زەۊ.
«چەڵەپەڕبی! ئیوە هەر توان من بووسمە ئێرە و لە دەس ئەو شێتە
زۊخ بخوەم“.
٭
یەکێگ چڕیەی؛ هژدە ساڵ دۊاتر بی.