ئەڕا دانلود کتاو کلیک بکە
عهباس جهلیلیان ؛ ناسریاێ وە ئاکو ساڵ ۱۳۵۰هاتاوی (۱۹۷۱ زایینی) له ناوچەێ شاباد (کرماشان) هاتێسە دنیا.
عهباس جهلیلیان یهکێ وه گهوراگان مینەوانی و نۊسین کوردیه گ تهمام ژیان و عهمر خوهی ئەڕا زنێ کردن زوان داڵگی خسته کار و نههیشت دهنگ ڕهسهن کەلهوڕی لهناو چهرخ و پهڕهی زهمانه گوم بوود و نیشان دا که زوان کوردی کەلهوڕی، توانای ئهوه دێرێ که بوده زووان ئهدهبیات، زووان ڕومان و زووان زانست
کتاو « زهڕینه و سیمینه » ک گهنجینهی فۆلکلۆر و مهتهڵهیل باوگ و باپیرمانه، ئهنجام ساڵانێگ گهردین و مینەوانی ئاکو لهناو عهشایهر و ناوچەیل جیاجیای کرماشانه که مهتهڵ، مهسهڵ و باوهڕهیل قهدیمی لهیوا کردگهسه دهق.
ئاکو دەربارەی ئی کتاوە وەتێە :
«زهڕینهوسیمینه بهشێگ له واتهیل و چهوچهیل و باوهڕهیل زووان پیهن كوردیه كه له مهڵوهن كرماشان و ئیلام كوو كردمه. له راسا یانه وه ناو (شاهد مثال) ئهڕا وشهیلێ ک له (فهرههنگ باشوور) كوو كردۊم نۊساۊم، هناێ (پهندی پێشنان حهیرهتی سهجادی) كهفته دهسم دیم تۊیهنێ بووده پهرتووكێگ. وهێ بوونهوه چهن ساڵێ خوهم دامه خهمچهسهری وكووێان كردم. تا ئهوره گ بۊ و له تهوانم بۊ؛ ئهول زاراوهێ كرمانجی و سۆرانی و شهبهكی ههڵسنگانمهسهێ و هاوتاێان لهێ زاراوهیله نۊسامه و ئهگهر مهتهڵێ داشتنه گردهو كردمه و ئیسهیش بۊیه زهڕینه و سیمینه ».