ناو کتاو: شار شەکەت
شاعر: س.عبادەتیان “بانان”
پیتچن: موحسن سەفاریان
وێراشتەر: ژیار
سەعید عبادە تیان مەنشوور وە بانان مورداد ١٩٦٣ لە بەش گواوڕ شارستان گیەلان پاریزگای کرماشان هاتیەسە دنیا. عبادە تیان هەر لە سن ساڵ مناڵیەو یانێ وە دوانزە ساڵگیەو دە س کردە شاعری و تا روژ ئمروو بێ وچان وە خزمەت زنێ کردن و گەشەدایین زوان و فەرهەنگ کوردی بییە
نیما
له دهروەنهیل قۊل یووش
له كۊەسان وهفر پووش
له سفێدار تازه جووش
دهنگ نیما تێدن وه گووش
وهنێ ك رۊ له وا دێرێ
چهنێ شێوهی نیما دێرێ
یا چهوهیل بۊ حهیرانێ
ك چرچ شهو ها له گیانێ
یا گهرقیڕهی وشك قڵا
له دارسان بێگڵا
ئای ئایەمهیل ك وه ئهنقهس
نیهچین له شوون دهنگ كهس
بچن چۊ كرم هەر ژاو بخوهن
پێسێ و چركناو بخوهن
بچن چۊ داڵ ئمر بكهن
لار و لاشه لمر بكهن
****
دۊر له ههیاهوو شارهگان
پهنا بهمه پای دارهگان
دارهگان وه پاوه مرن
وه ئهزرهت ئاوهو مرن
بهڕۊ راز پڕماناسه
مینیاتوور مهولاناسه
شێوهی باپیره گهورا دهێ
بوو ئهسپهن ئههوورا دهێ
بایهد ھهڵسم بوو نهكهم
تا وهی نمرچه خوو نهكهم
زنگانی بوو نمرچێ تێ
بوو خڵم له بن پرچێ تێ
ئازادی چۊ ئاواتێگه
فكر و خێاڵ ساتێگه
من له شوون رهنگ و بوو چم
خوهم نیهزانم وهرهو كوو چم