هەڵبەس نو
👤 #موحەمەدجەواد جەلیلیان
📚 لە کتاو: جفتێگ تەنیایی
✔ دار
منیش دڵم تواس
پەلوەچەیلم سێف بگرن و
مناڵەیل وە لیم بچنە بان
یا تەمۊرەێگ لە چووم بسازن
ئەمان
کردنەمە گووچان و
دانەمە ژێر هەنگڵ ڕێچەرمێەگان؛
ئاێەمەیل فرەێگ تا
هەناز مەرگ کل کردمەو
خوەم گلەو خواردمە…!
۲
✔️ پەڕوو
منیش تۊیەنستم
بەێداخ نیشتمانێگ بووم
یا شەۊ رەنگینێ
لە وەر دۊیەتەیل ئێڵ
یا لان کەم
زام قۊل سەربازێگ وە پیمەو بوەسن
بەڵام…
ئەوانەیل
کردنەمە عەباێ رەشێگ
ک گیس شووڕ ئافرەتێگ بشارمەو
یا
بان چەوەیل زندانیێگ
له شەوەکیان سێدارە
وە پیمەو بەسان…
چەنێگ چارەنۊس یەێ پەڕوو
تۊیەنست جیاواز بوود؟!
