ڤەختێ یەتم ڤ دی

ڤەرماڵ ئەور،

ئەو نوای ئاسمۆن کەفت

قۆتوویێ دە تەژگا دی دکرد

رووژێ ک م ڤدی یەتم

ڤە تیژی دنۆنێ کەوگێ، نافەم بڕین

گۆڵ ئەرجنێ گۆشم کرد

ڤە چوو تاوی هەلوورەم بەسین

هەختێ ڤدی یەتم

تیرکەمۆنێ کریا ڤ دار

ئەو ڕووزە،

ناوم نریا؛ “هەڕ خوەشاو”

د ئسپێ‌ڤاز دەسم چوو گرت

د شاویشە بیم ڤ شاعر

د قیلی دەرڤەنێ دە دێڤنە

ئشکەفتێ بی ڤە ناوم

.

.

.

ئێمکە ، ئێمکە، ئێمکە

نە ئشکارلۆنم

نە گەلۆنە دار

ئەڤداڵێکم

ئی ماڵ ڤەر ئەو ماڵ

گەردم ڤاهوو تۆ،

یە چل ساڵە گۆمت کردمە

هەختێ بارۆن ڤارێ

دچی د زەمین

دووی ڤ گوڵێ

د تاش دەسمەڕەسی

هەختێ بارۆ بڤارێ،

داڵ ئژ نوو،

ماڵ ئژ نوو؛

خوەم، دیام

                 ڤدی

                 ڤە دیار خوەت

بوەش: نەبی ئەحمەدی