📚ڕووژی کە من بیم وە مادەر پەیدا/ وە کتاو: چەپکە گوڵ/ شامی کرماشانی (1917-1984)

📚ڕووژی کە من بیم وە مادەر پەیدا

📚وە کتاو:      چەپکە گوڵ

📚بەرهەم:      شامی کرماشانی (1917-1984)

ڕووژی کە من بیم وە مادەر پەیدا

قەومان وە شادی وەخت بی بوون شەیدا

شوکر خوداوەند وەجا ئاوەردەن

جەشنی وە شادی من بەرپا کردەن

شەوِ یازدەهوم ساعەت کەردەن خوەش

ناو بەندە نان شامی ستەمکەش

تا من وارد بیم وەی محنەتسەرا

وەی دونیای پڕ جەور، پڕ وە ماجەرا

هەنووز نەشناسۊم چەپ و ڕاسِ دەست

دەستِ جەهاندار جەهانبینم بەست

سێ ساڵە نیمە تفڵ خاروزار

مادەرم وە دەرد سەختی بی دوچار

شەش ماهـ تەمام وەبان جا بی

عاقبەت دەوای دەردش فەنا بی

من مەنم ئەڕای جەفای زەمانە

پەی تیر تەعنەی خیش و بیگانە

لە بەعدەز دە ساڵ فەوت مادەرم

خاک یەتیمیش ڕشیادە سەرم

زمسان ١٣٢٤ (1946)