📙“ مەرگِ شەونم “
✍️ شێعر و وەتن : سەعید عبادەتیان(بانان)
ئاواز: خەشایار ڕەشیدی
کەمانچە: سیروان یادگاری
دەنگ هەڵگر و ریکخەر: وەحید نەزەری کرماشانی
نەخشینەر وێنە: هادی بوڵەندبەخت
“ مەرگِ شەونم ”
وشەیلِ سوور
مەرگِ شاعر خەنەو نوا
چۊ شنەێ وا لە دارسان
مەرگِ شەونم .
ژیان وەچگە ئاهوو کەوڕخِ بێقەرارێ بۊ لە سۊەرشکم
لە حەڵقەێ گەلِ ورسێ کەمتارەگان ؛
باێەد ئڕا ئاژاوەیلِ تیەڵِ ژیان
دەریا دەریا ئرمێس ڕشان .
حەزمان لە ئاگر بۊ
لە چەقاڵەیلِ بێقەرار
چۊ هاوارِ ناتەمامێگ لە شەو سییە
ئاسۆ کۊوەسانەیلِ ڕەنج
هەفت خوان دێرێ
یە تاوانِ دڵداریە
باێەد ئڕا ئێ تاوانە
دەریا دەریا ئرمێس ڕشان !…
