📙ئارۆ خەزانێ دوور جە پای نەمام/ هەڵبەسێگ لە کتاو: دیوان بێسارانی

📙ئارۆ خەزانێ دوور جە پای نەمام

📙لە کتاو: دیوان بێسارانی

📙بەرهەم: بێسارانی (1643-1702)

ئارۆ خەزانێ دوور جە پای نەمام

زایف و زەبوون هیجران سەرئەنجام

ئەویچ بە جەستەم مەناڵا بە زار

بە جەفای هیجران مەکەردش ئیقرار

پەرسام هەی زەدەی گەردوونی بێ ڕام

زیندەیی سەر شووم، دوور جە پای نەمام

چ بەدبەختیتەن پێسە پێت ئامان؟

مەرنە خاوت دی دووریی نەمامان؟

واتش هەی بێ دەرد دەروون پڕ جە خار

سەرگەشتەی هیجران، زەدەی ڕۆزگار

یە هیجران کەردەن، جە دیدە کۆر بام

نە تەرز مەوینوون، نە باڵای نەمام