📖ڕاپۆرتێگ لە سەر کتاوخانەێ دەڕەدرێژ
ئەی کتاوخانە وەلایەن برایەل “وەیسی” و چەن کەس تر وە هاوڕێەگانیان جوور دەسپێشخەر و پێشەنگ، لە گەڕەک دەڕەدرێژ لە پەراوێز شار کرماشان دامەزریاس.
لە کتاوخانەێ دەڕەدرێژ کتاوەیل ڕەنگین و وەنرخێگ لە بەشەیل جیاواز وە خزمەت مەردوم قەرار گردێیە.
بەشەیل ئەدەبیات، مێژوو و جوغرافیاێ کوردی، شێعر و کەلتوور کوردی، بەش ژنان، بەش مناڵەیل، کتاوەیل کومەکدەرسی، سیاسی، ئابووری، کۆمەڵایەتی و … لەێ کتاوخانە بۊن دێرن.
خەڵک بەشدار وەێ کتاوخانە هاوکات وەل خوەنین کتاو، تووانن وە کڵاسەیل فێرکاری جۊر، فێرکاری ڕێنۊس کوردی، فێرکاری تەمۊره، فێرکاری زووان ئنگلیسی و چەن کلاس ترەک فێرکاری بەشداری بکەن.
تا ئیسە فرەتر وە ۷۰۰۰ بەرگ کتاو لەلاین کەڵتوور دووسەیل و فەرهیختەیل، خەڵاتی کتاوخانەێ دەڕەدرێژ کریاس و کتاودووسەیل تووانن ئەڕا پەروەردە کردن فرەتر خوەیان گشت ڕۆژێگ لە شەوەکی تا ئێوارە سەردان کتاوخانە بکەن!
جێ وەتنە شارەک دەڕەدرێژ وەبونەی یارسانی بۊن دانیشتوانەکەی جوور یەکی وە گەڕەکەیل لە هۊر بریای و بەش خوریاێی گەورە شار کرماشان ژمیریەد.
ئی شارەکە لە شوون وەڕێبردن ڕێوەرەسم ئاگر نەورووز ٢٧٢٥ کوردی ئیمڕوو وە کردنەوەی قاپێ زانست ڕۊداوییکتر ئەدەبی و کەلتووری لە مێژوو خوەێ سەبت کرد.
