🎻له ناو رووژه‌یل وارانی/ لە کوومە شێعر تەم/ جەلیل ئاهه‌نگه‌رنژاد+video

🎻لە کوومە شێعر تەم

🎻گورانی: مەسعود عەزیزی

🎻دوکتور جەلیل ئاهه‌نگه‌رنژاد

🎻كرماشان. زمسان ۱۳۸۲

له ناو رووژه‌یل وارانی

هه‌ر ئه‌و جووره ک  خوه‌د زانی

 چه‌وێگ ئاگر وه کووڵم که‌ێ

هه چۊ شاره‌یل چووڵم که‌ێ

 وه‌لا به‌یده‌م وه‌ره‌و جاران

وه مڵك سه‌وز نازاران

 وه‌لا به‌ێده‌م وه‌ره‌و رووژێ

گ ها گیانێ له گوڵ تووژێ

 وه‌لا به‌ێده‌م وه‌ره‌و ماڵێ

گ  گه‌رمه شین شمشاڵێ

 وه‌لا به‌ێدم وه‌ره‌و هووهوو

وه‌ره‌و وه‌فره‌یل داڵاهوو

 له ناو رووژه‌یل وارانی

هه‌ر ئه‌و جووره گ  خوه‌د زانی

 هه چۊ مجنوون  ئاواره

وه شیتی رۊ نه‌مه‌ێ شاره

 من و شه‌ۊ خیس دڕیاێێگ

دڵِ له دووس بڕپاێێگ

 من و قرچه‌ێ دڵ کاڵێگ

من و ئه‌وره‌یل شه‌ۊ واڵێگ

 وه تک تک ئه‌وره‌گه‌ێ که‌وکه‌و

هه چۊ ئه‌‌ورێشم خوه‌زێیه‌و

 تکێ، شوورێ په‌ژاره‌یلم

له‌نوو گوڵ ده‌ێ وه‌هاره‌یلم

 دۊه‌ت قژ هۊل خوه‌زێیه‌و تێ

ده‌نگ چۊه‌زه‌یل که‌و‌که‌و تێ …

 له ناو رووژه‌یل وارانی

هه‌ر ئه‌و جووره گ  خوه‌د زانی،

 ره‌فیقن ئه‌ولما هه‌ر سوو

مه‌لۊچگ، ئاسمان، ئاسوو…