ستارەی رووژەن
دەروێش زولفەقار گۆران
هێنانە سەر رێنویس کوردی؛ هاشم عەلی وەیسی
ستارەی رووژەن
دڵم ئنتزار ستارەی رووژەن
عەقڵم فەرخوندە فامم پیرۆزەن
نەسیحەتنامەی پیر پیم پیرئامووزەن
رووژی پەی تەکویر چەرخ چی گەرد
رام کەفت ئەو ماوای بی بنچینە و بەرد
عابدی نە کونج خەڵوەتخانەوە
نە پیر ئەزەڵ زات نیشانەوە
واتەش ئامانەت فەرزەند ئامانەت
تا کە زندەنی مەکەر خەیانەت
نە حەرف بەدی بەدان نەڕەنجی
چەنی ناکەسان یاری نەسەنجی
ئەگەر کە مەووت پەری یاوەری
شەو بوو وە هامڕای یەک دڵاوەری
وەرنە تەنهایی نە گێشت خاستەرەن
یەک رەنگ ژە دوو رەنگ لەعل شناستەرەن
کەسدار کەسیوەن بی کەس کەس دارۆ
هەر کە رووی حساب فریادڕەس دارۆ
زوڵفەقار تا حاڵ تا نەفەس دارۆ
مرخ خوەشخانی نە قەفەس دارۆ