سزیان وەفر/ عه‌لی ئوڵفەتی- هەڵوەس کوردی خوارین

عه‌لی ئوڵفەتی/ سزیان وەفر

دارتەل

نە سان دێروکێگ بۊم ک لە پام وێنەیگ وە قووزەو بگرن

نە مەل دەنگ خوەشێ ، تا ئەڕام دامێ هەڵوەسن ،

لە تەمام دار دنیا ، تەنیا دارتەل دریژێگم ، لە تای کۊچەی بن بنەسێگ لە خوار شار گەوراێگ جۊ تەیران ،

دارتەلێگم ک لە لیم ، وە دزیەو هزار گلە سیم بەرق کیشانە ،

لە گەرماێ تاوسان ، هاودەنگم مەل لانەوێزێگ بۊ

لە ناو شەوەیل ئەی زمسانیشە ، گاجار پیای مەسێگ سەرە لێ شێوێد و لە جی ژنەگەی ، باوش کێدە پیما و سۊەتگ سۊەتگ وە ملما گیرێ ،

م لە ناۆ ئەی کۊچە چوە کەم ?

تاکەی بایەس مناڵەیل لە لیم بچنەو بان ?

چەوەڕێ ئەو شەوەمە

ک ماشینێگ کەێدەمە دوکوتەو … !