ههنای
هسارهی ئاوا بوو
یهكێگ مرێ ،
ههنای هسارهی ههڵاێ
یهكێگ زاێ،
وه ئهو هساره ک له دۊرْ دۊر،
گاجار مرێد و
گاجار ترۊسكهی بێنزێ دێرێ
ئهوه منم
نه مردمه،
نه زینێیم.
سهعید عبادە تیان ساڵ ۱۳۴۲ له ناوچهی گێەڵان(کرماشان) هاتێه سە دنیا. مناڵی له ناو سروشت ڕهنگین و کوێسهنی ناوچهی کلهور تەێ بیە ههر یهیش بیه مدوو ئهوه که وێنهیل سروشت و ژیان ئاوای، ڕهنگیگ واورێز بێهنه شێعرهیلی.
عبادەتیان له ساڵهیل دههەی ۶۰ و ۷۰ دهس کرده نۊسین و پەخش شێعرهیلی و تۊەنست زووان و دیالێکت کلهوری که فهرامووش کریاوێد، دوواره زنێو بکەێد و بارێدهی ناو ئهدهبیات مودرن کورد. بانان توێژهر و پارێزهر فهرههنگ و زوان داڵگیی مەردم کرماشان و ئیلامه.
عبادەتیان شاعرێگه که شێعر کوردی کلهوری بردێه سە ناو مەرحەڵێ نووێگ. وتۊەنستێە وەل وە کارگرتن واژهیل ڕهسهن و وێنهسازییهیل سروشتی، ههم دهرد مەردم بۊشێد و ههم ئهشق و دڵداری وه شێوهێگ مودڕن و تازه بپڕژێنێد.
شێعر «ترۊسکهی بێنز» نیشانەی تێژبینی و ناسکیِ خێاڵِ بانانە، شاعێر ناو ئی شێعرەیلە وە شوون کورپە نۊرێگ گەڕدێد ک لە ناو تەم و مژِ ڕووژگار گوم بۊە. ترۊسکه لێرە تەنیا نۊر نییە؛ بەڵکوو متافورێگە وە «همێد» و «عەشق» ک لە ناو سختییەیل زندگی هێمان زندەس.
ئمڕوو بانان یهکیگ له مەشوورتەرین ناوهیل ئهدهبیات کوردیە ک شێعرهیلی له ناو ماڵ گشت کوردهیل (وه تایبهت کلهورهیل) تێێدە خوهنین. بانان تۊەنستێە وه دهنگ خوهش خوهی ئهشق و نێشتمان پهروهری له ناو دڵهیل زندەوەو بکهێد.