📖مه کرماشانم تاجم پەڕاوه/ سەید قاسم ئەرژەنگ شاعر ناسریاێ کورد لەک

📖مه کرماشانم تاجم پەڕاوه

📖 سەید قاسم ئەرژەنگ شاعر ناسریاێ کورد لەک

مه کرماشانم تاجم پەڕاوه

سەر پەنجه سازم ئاو سراوه

 مه کرماشانم هەم پەر لەکستان

شان راسەکەم سنه کوردستان

 مه کرماشانم داخدار فەرهاد

رەنجم بیوەره هەی داد هەی بیداد

 هەزار جار شاهوو ، رازاوەر خوەش بوو

بەرگی نوو پووشا چوی تاسه ئاسوو

 ئەمان خۊن ڕشیای ،فەرهادان دەور

دەنگ زڕه زەنجیر ، نرکه شیرو بەور

 بی دەنگیم شکان پەی من نەمەن سەور

خوەر کەی مەمینی ،وه ژیر تەم و ئەور

 من کرماشانم‌ هەی جاف جوانروو

پەی دوسایەتی مەکیشم یاهوو

 مه کرماشانم کەلهوڕ و گووران

دەنگ و گوورانیم ها دڵ کوردان

 ئەرژەنگ پەی کوردان دەس یاری داس

یاهوو مەکیشی وه ئایین ڕاس