📄هەڵبەست: ماجوو مهری
هەرچــێ ژیــەێ یەکێــگ لە دنیــا وڵاتێیــە
هەرچــێ لە خاک دڵ کەنیــە وا وڵاتێیــە
ڕووژەیــلْ هه‌ور نیشتمــانێ گوما بۊیــە
هەرکەس ک بێ‌کەسە لە جەهان سـا وڵاتێیـە
ئـــاواتْ خوه‌رهەڵات دروو ڕووژێــــار بۊ
ک دڵتەنگــی هەمیشە خوەرئاوا وڵاتێیــە
فەرخێ نیەکەێ؛ دراو، تکــێ ئاو یا چەمێــگ
ماسـی لە هەرجیێگ هە دەریــا وڵاتێیــە
یەێ بڕ وڵاتێیــان وە خوەێانە لە کوورە بوو
وێنەێ مەلێ ک یەێ وەێ گەورا وڵاتێیــە
شاێەد وڵات چشت ترەک بوو…فکر بکە!
سەرواز خــاک قاتڵێیە یــا وڵاتێیــە …؟
مەرزێ ک ئاێەمەیل بکیشن وەتەن نیـــە
ئاێــەم هه داڵگـــێ تەکْ‌ته‌نیــا وڵاتێیــه
